وظائف الــــــ HR

كل شغل الـ HR بيتلخص في حاجة إسمها HR Cycle 

كل شغل الـ HR بيتلخص في حاجة إسمها HR Cycle
طب إيه الـ HR Cycle دي
هي عبارة عن مجموعة الوظائف والمهام اللي بتقوم بيها ادارة الموارد البشرية داخل اي مؤسسة وملهاش شكل ثابت
والـ HR Cycle بتتكون من 7 حاجات هم
شؤون العاملين - Personnel
🚩التوظيف - Recruitment
🚩تخطيط القوي العاملة - Manpower planning
🚩المزايا والتعويضات - Compensation and Benefits
🚩انشاء الهيكل التنظيمي - Organizational Structure
🚩تقييم الاداء - Performance evaluation
🚩التدريب والتطوير - Training and Development
____________________________________________
والــ HR Cycle ملهاش شكل او نموزج ثابت يعني بتتشكل علي حسب حجم نشاط المؤسسة وطبيعة نشاطها
واول وظيفة من وظائف الــ HR
🎯شؤون العاملين - Personnel
ودي بيكون فيها موظف الــ HR مسؤول عن تكوين ملفات العاملين ووضع سياسات الحضور والانصراف والغياب والجزاءات للعاملين وما يتعلق بيها من رخامة وخصومات من المرتب ويبلغوا المسئول عن اعداد المرتبات بما ينتج عنها علشان يخصم من المرتب او يضيف اضافي لا سمح الله 😂😂
وبيكونوا كمان مسئولين عن التعامل مع مكاتب التأمينات الاجتماعية وفتح ملف للشركة واضافة وحذف العاملين
وبيكونوا مسئولين عن التعامل مع مكتب العمل في الشكاوي اللي هتتقدم بعد ما نخصم علي الموظفين او نفصلهم فصل تعسفي او نشغلهم 20 ساعة في اليوم 🐱
وكمان بيكونوا مسئولين عن اعداد التأمين الصحي للموظفين
----------------------------
🎯التوظيف - Recruitment
ودي وظيفة رئيسية من وظائف الــHR وهي اختيار الاشخاص المناسبين في التوقيت المناسب والمكان المناسب بداية من حصر الوظائف وعمل الاعلانات واستقبال CV وتحليها وعمل مقابلات شخصية للمتقدمين وبعد كده تعين الافضل والاكفأ واللي يساعد في تحقيق اهداف الشركة
والمسمي بتاع التوظيف بيختلف من مؤسسة لمؤسسة وبيوصل لمرحلة الاستحواذ علي الكفاءات
والمهارات -Talent Acquosition
وده بيكود دوره اكبر من عملية التوظيف وده بيدخل في عملية
اسمها Head Hunting ودي موظف ال HR بيدور علي شخص معين سواء لشخصه ومهاراته او لمركزه في شركة اخري
وبيكون دور ال HR انه يعمل المستحيل علشان يخلي الشخص ده يشتغل في الشركة وازاي يحافظ عليه بعد التعيين ويكون business partner

🎯تخطيط القوي العاملة - Manpower planning
_____________________________
ودي بشكل مختصر التنبؤ بقوة واعداد العمالة المطلوبة فى المستقبل بناء علي الخطط المستقبلية وتوجهات وسياسة الشركة
ووضع خطط للاستقطاب، والاختيار والتدريب، والتعويض، اللي ممكن تحتاج ليها القوى العاملة حاليا ومستقبلا

🎯المزايا والتعويضات
________________
ودي وظيفة مهمة جدا وهي مسئولة عن اي دخل يحصل عليه الموظف سواء مرتب او مكافاة او توزيع ارباح وطبعا دي ك HR ملناش علاقة بيها
ومن ضمن مهام الوظيفة دي التنسيق مع البنوك لفتح حسابات لموظفين الشركة واصدار خطابات التعريف او مفردات المرتب علشان يستخدمها الموظف
وكمان مسئولين عن اي ميزة بتقدمها الشركة للموظف سواء اشتراكات نوادي او رحلات او تأمين طبي اشتراكات جيم تذاكر سفر ودي بتختلف من شركة لشركة

انشاء الهيكل التنظيمي - Organizational Structure
_________________________________
ودي مهمة الهدف منها انشاء الهياكل التنظيمية للشركات واعداد بطاقات
الوصف الوظيفي - Job Description لكل وظيفة
والمواصفات الوظيفية - Job Specifications
وتقيمها وتحديد مسئوليات ومهام وعلاقات اي وظيفة بالوظائف الاخر داخل نفس الشركة

تقييم الاداء وتصميم انظمه الحافز - Performance evaluation
_______________________________________
ودي مهمتها تقييم اداء العاملين من خلال مجموعة من ادوات KPIs
علشان اعرف كفاءة الموظفين ومدي تطور ادائهم ومعرفه اسباب وضعف الاداء وتخطيط التطور المهنى للموظف ومدى جاهزيته للنقل اوالترقيه وعلى اساسه يمكن ان نحدد المكافاه او زياده الراتب
________________________________
التدريب والتطوير - Training and Development

ودي مختثة بتحديد الاحتياجات التدريبية(TNA) للموظفين لتحديد ما إذا كان الموظفين بحاجة للتدريب ام لا ، وإذا كان هناك حاجة فما هو التدريب اللازم لسد الفجوة
بين الوضع الحالي والوضع المرغوب فيه
وهذا بدوره يمكن أن يترجم إلى ضرورة التدريب ودي طبعا مش محتاج اقولكم من اهم وظائف ال HR
#كبسولات_HR
#احمد_السمنتي
احمد السمنتي - Ahmed Alsamanty