يعني ايه #Human_Resources او يعني ايه #HR
قبل اي حاجة لازم نعرف يعني ايه كلمة #ادارة
" هي عملية تتضمن مجموعة من الادوات زي التخطيط والتنظيم والتوجيه والرقابة والقيادة
بنستخدم الادوات دي لتحقيق هدف او مجموعة اهداف بكفاءة من خلال البشر "ومن التعريف البسيط ده في خمس وظايف مهمين بتعملهم الادارة
التخطيط - التنظيم - التوجيه - القيادة - الرقابة
دول جبناهم من التعريف اللي فوق
برضو نرجع للسؤال المهم يعني ايه ؟
الـ (HRM (Human Resources Management
بص يا سيدي
#إدارة الموارد البشرية هي الإدارة اللي بتهتم بالموظف و بتهيئله جو عمل مناسب علشان - نستفيد من خبراتهم - نطور مهاراتهم - نحفزهم علشان نخليهم يقدموا اعلي مستوي من الاداء - وعلشان كمان نتأكد انهم مستمرين في الالتزام بسياسات شركتنا
ده باختصار بإختصار تعريف الـ HRM
طيب ليه ال HR من اهم الادارات في الشركات
لانها بتتعامل مع العنصر الاهم من عناصر رأس مال الشركة وهوالعنصر البشري
وكمان الـــ HR بيقوم بدور مهم جدا
"بيساعد المؤسسة او الشركة او المنظمة إنها تختار أنسب الموظفين في الأماكن المناسبة و في التوقيت المناسب،
و بيقيم أداء الموظفين من خلال مجموعة KPIs عشان يحدد الموظفين دول محتاجين Training ولا لأ من خلال تقدير الاحتياجات التدريبية
و لو محتاجين يعملهم الـ Training المناسب - و كمان بيحدد الحوافز والمكافأت والمرتبات و التعويضات اللي هياخدوها مُقابل شغلهم...
كل الكلام ده بيساعد الموظف علي تحقيق أهداف القسم اللي شغال فيه وبالتالي تحقيق أهداف الشركة كلها،
يعني نقدر نقول إن شغل الـ HR او ادارة الموارد البشرية في المنظمات بشكل عام هو إلاستثمار في الموظفين اللي هما أهم رأس مال للشركة ..
#كبسولات_HR
#احمد_السمنتي
احمد السمنتي - Ahmed Alsamanty
ليست هناك تعليقات
إرسال تعليق