عندك حساب علي LinkedIn ؟؟؟
واحد من مواقع التواصل الاجتماعي زي فيس بوك وتويتر ولكن ليه بعض الخصوصية لانه بيعتبر واحد من اهم واقوي مواقع التوظيف علي مستوي العالم بيكون عليه كل الـ HR والشركات داخل مصر و خارجها
وده بيميزه عن باقي مواقع التواصل الاجتماعي لانك من خلاله تقدر تعمل شوية حاجات اكثر احترافية
👈 تقدر من تعرض خبراتك وكل حاجة عنك في شكل محترم وProfessional والمعلومات دي بتكون متاحة لكل ال HR علي الموقع
👈 تقدر توصل لوظيفة في شركة بتحلم تشتغل فيها،لان في من شركات كبيرة في العالم بتنزل وظايفها بشكل حصري علي LinkedIn
👈 تقدر تتابع و تقرأ مقالات لرواد اي مجال و تخصص من خلال LinkedIn Pulse.
👈يعتبر بيئة رائعة تقدر من خلالها تكّبر الـProfessional Network بتاعتك وتتعرف على ناس Professional في مجالك من كل انحاء العالم.
👈تقدر من دلوقتي يكون ليك حساب علي LinkedIn لكن مش زي فيس بوك
يعني مينفعش تنشر عليه حاجات مليهاش اي ستين لازمة ولا تتواصل مع الناس علي الفاضي والمليان لزم يكون صفحتك احترافية وجدية
وعلشان تبدأ تعمل بروفايل قوي دول شوية نصايح تقدر تبدأ بيهم
📍الصورة الشخصية الـProfile photo يفضل تكون formal للانها بتذود من فرص ظهورك للباحثين عن العمل
📍 العنوان الرئيسى اللى تحت إسمك لازم يكون مُلفت للنظر، هتلخص خبرتك ومجال عملك فى جملة واحدة...
📍 فى الـContact حط الـPersonal E-mail بتاعك، ويفضل يكون اسم الايميل احترافي وليه علاقة باسمك الحقيقي و رقم موبايلك يسهل وصول اي شخص ليك
📍 بالنسبة للـSummery ودي من اهم الحاجات اللي بتشد انتباه اي حد دخل لحسابك وده بتكتب فيهنبذة مختصرة عنك يعني انت مين ، ويكون فيها Keywords قوية عشان الباحثين عن موظفين في مجالك يقدروا يوصلوا ليك بكل سهولة لما يعملوا Search وضيف الـCV بتاعك في الـSummery
📍فيه جزء مهم بتحط فيه الـSkills بتاعتك او المهارات اللي انت شايفها في نفسك اكتب كل المهارات بس بدون مبالغة
📍متنساش الجزء المهم اللي بتضيف فيه Experienceبتاعتك
هنا بتضيف كل التفاصيل اللى تخص خبرتك فىمجالك والشركات اللى انت اشتغلت فيها ونبذة عن وظيفتك فى كل مكان انت اشتغلت فيه
📍كمان في جزءمهم في البروفايل اسمه Recommendations وده بكل بساطة انك بتطلب من مديرينك في الشغل او زمايلك في اي مكان اشتغلت فيه انهم يعملولك Recommend ده بيديك قوة اكتر
الخلاصة أن حسابك على LinkedIn هو بمثابة سيرة ذاتية حية قابلة للتحديث باستمرار ....
🎯إنشاء حساب LinkedIn دلوقتي لم يعد خيار ولكنه اصبح ضرورة لكل من يريد حياة أفضل، وهذا لا ينطبق فقط على أصحاب البيزنس ومسئولي التوظيف، أو من يبحثون عن فرصة، ولكنه أيضا ينطبق على الطلاب والدارسين لانه فيه منصة قوية للتعليم تقدر تتابع عليها دورات في مجالك
#كبسولات_HR
احمد السمنتي - Ahmed Alsamanty
ليست هناك تعليقات
إرسال تعليق