اسئلة هتلاقيها في اي interview
الـــHR في مقابلات العمل بيسألوا اسئلة ممكن يكون طالب الشغل شايف انها ملهاش علاقة بالشغل ولكن الــ HR بيكون هدفه منها كشف جوانب شخصية المتقدمين للعمل
ودي مجموعة من الاسئلة اللي هتلاقيها متكررة معاك في اي interview وازاي تجاوب عليها
1- ايه السبب انك تسيب شغلك القديم ؟
اختر اجابة ذكية مثلا ان شغلك القديم بيحد من مهاراتك وقدراتك وانت عايز تطورها وتنمي شغفك في شغل جديد ومكان افضل
2- ليه عايز تشتغل في الشركة بتاعتنا بالتحديد ؟
اختر اجابة مثالية زي انك تقول ان سمعة الشركة كويسة في السوق وانجازاتها كتيرة وانها بتدي فرص لموظفيها انهم يطلعوا قدراتهم الابداعية
3- ايه اللي يخلينا نديك فرصة انك تشتغل معانا ؟
التحضير الجيد للسؤال ده بيكون من خلال انك تعرف جميع المعلومات عن الشركة انجازتها - امكانياتها - نقاط ضعفها - مشاكلها - نقاط القوة
من خلال معرفة النقاط دي تقدر تقنع صاحب العمل او الـــHR ان عندك القدرات العالية والابداعية لحل المشكلات والتغلب علي الازمات الموجودة في الشركة
4- كلمنا عن نقاط قوتك ؟
كلم الشخص اللي بيعمل معاك الـــinterview انك تمتلك روح المبادرة وعندك قدرة علي العمل الجماعي وعندك قدرات تنظيمية عالية ومهارات اتصال جيدة وطبعا مش محتاج اقولك ان لازم المهارات دي تكون مودوة عنك ولو مش موجودة حاول من دلوقتي تتعلمها
5 - ما هي نقاط ضعفك ؟
بلاش تقول انك طيب حبتين وانك تحب تشتغل كتير وجو المقابلات الهندي
عرفه انه ينقصك بعض الخبرة في جانب معين متعلق بوظيفتك ده هيخلي اللي بيعمل معاك المقابلة يحس انك صادق في كلامك
6 - شايف نفسك فين بعد 5 سنين ؟
عرف الـــ HR ان عندك رؤية مستقبلية الشركات دلوقتي مش بتعين الاشخاص فارغين الطموح عرفهم انك عايز تكون في مناصب ادارية عالية واذكر المنصب ده وانك عايز تحقق مكاسب مالية اضافية
7 -كلمنا عن نفسك ؟
ده من اكتر الاسئلة اللي ممكن تخليك تفوز بالوظيفة لكن وانت بتتكلم عن نفسك
بلاش تذكر اي حاجة من الامور الرئيسية اللي كتبتها في ال CV لانها كده كده موجودة اتكلم عن بعض الجوانب الايجابية في شخصيتك اتكلم عن هواياتك واهتماماتك اتكلم عن مواقف او مشاكل في الشغل ازاي قدرت تحلها بطرق غير تقليدية
8 - ما هو الراتب المتوقع ؟
من اصعب الاسئلة في المقابلات الشخصية واللي لازم الاجابة تكون عليه بدبلوماسية شديدة
وفي نفس الوقت لابد ان يكون الجواب بطريقة لا تؤثر على تأهيلك للوظيفة كأن تقول مثلا :الراتب المتوقع هو نفس الراتب اللي محددينه لمن هو بنفس تخصصي وخبرتي هذا ان كنت متوسط الخبرة
اما اذا كنت متمكن من مجالك فبكل تأكيد انت تعرف قيمة مستوي خبرتك ومهاراتك في سوق العمل وفي هذه الحالة لابد وانت تكون واضع حد ادني لمرتبك المتوقع ورجاءا لا تبخث قيمة خبراتك
وفي حالة كونك حديث التخرج ففضل الحصول علي العمل باي مرتب وعدم المبالغة في المطالبة بالمرتبات العالية وهنا يفضل اكتساب الخبرات التي ستمكنك مستقبلا من تحديد المرتب الذي ترغب فيه
هذه بعض من الاسئلة المتكررة في المقابلات الشخصية والتي قد تختلف اجاباتها من شخص لاخر .....
لو عند اي سؤال متترددش في انك تتواصل معايا عبر الايميل a.alsamanty@gmail.com
او عبر الواتساب : 00201009392866
شير للبوست ومنشن لصاحبك اللي عنده انترفيو قريب
ولو عندي اي مواضيع حابب نتناولها بالشرح اكتب في كومنت وهشرحها بنوع من التفصيل
دي مقالة عن
12 فكرة تساعدك في اجتياز مقابلة العمل
https://www.facebook.com/photo.php?fbid=2799083426831102&set=a.134235666649238&type=3&theater
🔰دي مقالة عن ليه الــ CV بتاعك محدش بيبص عليه
https://www.facebook.com/Ahmed.alsamanty/posts/2739359052803540?__tn__=K-R
🔰دي مقالة عن ازاي تعمل CV .....
https://www.facebook.com/Ahmed.alsamanty/posts/2721689337903845?__tn__=K-R
ولو محتاج نماذج للسيرة الذاتية اكتب ايميك في كومنت وهبعتلك مجموعة نماذج للــCV
ثواني متنساش تعمل لايك للصفحة دي
احمد السمنتي - Ahmed Alsamanty
#كبسولات_HR
#احمد_السمنتي
ليست هناك تعليقات
إرسال تعليق